ataria.eus

Manu Azkarate, aske

politika  Tolosa

Auzitegi Gorenak onartu egin du preso tolosarraren defentsak eginiko eskaera, 1995eko Zigor Kodea kontuan hartuta; senideak Alcala Meco espetxeko atarian izan ditu zain. 

Manu Azkarate, aske
Argazkia: Guillermo Martorell ( @GuillermoMarto1 ) | Ikusi handiago | Argazki originala

Naiz.eus agerkariak argitaratu du, arratsalden erdian, Manu Azkarate tolosarra ordu batzuren buruan libre geratuko zela, Espainiako Auzitegi Gorenak 1995eko Zigor Kodea aintzat hartuta.

Hala eskatua zuen tolosarraren defentsak eta, erabaki berri honekin, gorenak onartu egin du Manu Azkarateri, gehienez ere, 20 urteko zigorra jarri behar zitzaiola; ordea, Auzitegi Nazionalak 30 urteko zigorra ezarri zion.

Azkarate 2016an atxilotu zuten, azkenekoz, Marseilan (Frantzia), ETArekin lotuta. Gaixotasun larri bat du eta, horren harira, hainbat izan dira, urteotan, presoak eta haren inguruak bere egoera salatzeko egindako adierazpenak.

Albistea zabaltzerako, Azkaratek Alcala Meco espetxearen atarian zain zituen, jada, zenbait senide, irteera ordu zehatzik ez jakin arren. Guillermo Martorell senideak Twitter bidez zabaldu du Azkarateren argazkia, aske. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa