Etxekoak presioa egiteko asmoz atera ziren kantxara, eta Zirauntzakoek baloia ateratzeko zailtasunak izan zituzten. Segituan Iurrek bere aurreneko gola sartzea lortu zuen Asierren jaurtiketa bati esker, 1-0.
Hurrengo minutuetan bien defentsa onari esker markagailua ez zen mugitu. Zati erdialdean Ibai eta Kakiren konbinazio eta azkeneko honen jaurtiketa on bati esker etxekoen bigarren gola iritsi zen, 2-0. Lehenengo zatiko azkeneko minutuetan Xabiren jokaldi bikain baten ondoren Euxebiren gola iritsi zen 3-0.
Horrek partida hautsi zuen, Araiakoek presioa egiterako garaian hutsune asko uzten baitzituzten eta etxekoek ez zuten barkatu Mikelek 4-0ekoa jarri zuen markagailuan, doble penaltia lasaitasunez sartuz. Norgehiagokak norabide berean jarraitu zuen eta azkeneko minutuan kontraeraso on baten ostean Euxebik bere bigarren gola lortu zuen, 5-0ekoa jarriz.
Bigarren zatia hasi eta berehala arabarrek beraien markagailua estreinatu zuten gol azkar bati esker, 5-1ekoa jarriz. Beste bost minutu pasa ondoren, seigarren gola sartu zuen Iurre Tabernak Asierren eskutik, beraz markagailuak 6-1eko emaitza islatzen zuen.
Hurrengo hamar minutuetan ez zen gauza handirik gertatu Ikerren gola iritsi arte. Bigarren zutoinera iritsi zitzaion baloi bat ezkerrarekin sarera bidali zuen, 7-1. Segituan Zirauntzak golari erantzun zion eta 7-2 jarri ziren. Honek asko ez zuen iraun ordea; Araiako taldeak 5eko jokoa atera zuen eta honetaz baliatuz, Anttonek bi gol jarraian sartu zituen 9-2ko markagailua jartzeko.
Horrelaxe amaitu zen norgehiagoka. 3 puntuak Uzturpe frontoian geratu ziren eta momentuz 3.postuan sailkaturik daude tolosarrak. Hurrengo partidua Scorpio izeneko Ermuko taldearen aurka izango dute. Bidaia ilusioz beterik egingo dute goiko postuetan mantentzeko itxaropenarekin.
#GoGoIurre