Abenduaren 22an, larunbata, izango da azoka eta 100 postu inguruk osatuko dute. Azaroaren 16a baino lehen eman beharko dute izena interesatuek.
Abenduaren 22an ospatuko da Tolosako Gabonetako Azoka, eta postua jartzeko eskaerak egiteko epea zabaldu du udalak. Azaroaren 16a bitarte eman daiteke izena, hiru bide hauetako bat erabiliz: Tolosako Udaleko bulegoetan (Plaza Zaharra 6, 7:15etik 14:15era), feriak@tolosa.eus helbidean edota www.tolosa.eus-en bitartez.
Trianguloa, plaza Zaharra, Berdura plaza, San Franzisko pasealekua eta Alondegia plazan izango dira postuak egun horretan, orotara 100 inguru. Elikadura eta artisautza postuak jarri ahal izango dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
