Bi urte inguru dira gazte talde bat etxebizitzen egoeren inguruan hausnartzen hasi zela. Ezintasunak bultzatuta, "etxebizitzen merkantzia izaera gainditu eta diruaren formatik harago elkartasunaren bitartez eta kolektiboki behar hau asetzeko pausoak ematearen alde" lerrokatu ziren. Hortik etorri zen Tolosako hilerri ondoan dagoen San Blas etxea okupatu eta egokitze lanetan hasteko hautua. Kolektiboki antolatuta eta elkarlanean, beharrezko erreformak egin eta bizitzeko moduan jarri dute etxea.
Oraindik guztia amaitzeko egonda ere, eguerdian inauguratu dute etxea. Proiektua aurkeztu dute, eta musikaz lagunduta pintxoak jan dituzte. Bazkaria egin dute ondoren, eta arratsaldean, Lur eta Endika kantautoreak izan dituzte.