Gipuzkoako Abesbatzen Federazioak antolatuta, KEA Ahots Taldeak entsegu irekia eta kontzertua egingo ditu larunbat arratsaldean, Jordan Sramek zuzendariaren gidaritzapean.
Datorren asteko Abesbatza Lehiaketaren aitzakian, larunbatean, hilaren 27an, entsegu irekia eta kontzertua izango dira Tolosan. KEA Ahots Taldea Topic-en izango da goizean zehar, arratsaldean Jesuitinen elizan emango duen kontzertua prestatzen. Biak ala biak publikoari irekiak izango dira.
Kontzertua 19:00etan izango da, AEBko The Rose Ensemble taldeko zuzendari den Jordan Sramek entzutetsuarekin.
Zuzendari amerikarrak berpizkundetik gaur egunera arteko programa anitz bat prestatu du KEA Ahots Taldearekin, eta gerora kontzertu bat eskaintzea da beren asmoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
