Tolosako Nazioarteko Abesbatza Lehiaketaren irudia izango dute 5,5 miloioi kupoi emitituko ditu ONCEk, azaroaren leheneko zozketari begira.
Gaur goizean aurkeztu dute kupoia, Topic zentroan. Bertan izan dira Nuria Carbonell kultur zinegotzia; Juan Carlos Andueza, ONCE Euskadiko Lurralde Ordezkaria; Miguel Angel Aizpurua, Gipuzkoako ONCEko zuzendaria; Julian Lacunza, Tolosako Ekinbide Etxeko lehendakaria; eta Luismi Espinosa, Tolosako Nazioarteko Abesbatza Lehiaketako zuzendaria.
Eguneroko kupoia denez 1,50 euroren truke eskuratu ahal izango da eta, bost zifrak edukiz gero, 35.000 euroko 55 sari lortzeko aukera izango da. 2 euroren truke erosiz gero, Paga delakoa irabazi daiteke, hots 25 urtez hilabetero 3.000 euroko saria.
Urteak igaro ahala, «munduko abesbatza lehiaketa garrantzitsuenetarikoa» bihurtu dela nabarmendu dute ONCEko kideek. «Horren erakusle dira bere historian zehar partaide izan diren mundu osoko 1.200 abesbatzak», azaldu dute.