Planariidae familiako espezie honen itxura suge handi batena da. Laua da, ez du arnasketa edo zirkulazio sistemarik, eta bere gorputza muki kapa batek babesten du. Burua, berriz, mailu itxurakoa da.
Kolore aldakorrekoa da, beltza, grisa edo marroi kolorekoa izan ohi da. 30 zentimetroko luzera izatera irits daitezke, baina planariak badu berezko gaitasun bat: zatituz gero, birsortzeko gaitasuna dute.
Nahiz eta jatorria Indotxinan duen, AEBn ere aurki daitezke, eta gaur egun, Planaria torva bezala ezagutua den espezie bakarra aurkitzen da Europan.
Barraskilo eta zizareen harrapari aktiboa da, eta horrek arriskuan jartzen du lurreko ekosistema. Elikagaiak espezie horiek askatzen dituzten seinale kimikoak jarraituz lortzen dituzte. Gauetan ohikoagoa da, egunaren zati handiena ezkutatuta pasatzen baitu, lehortzea ekiditeko.
Horrelakoren bat topatuz gero, abisua emateko eskatu dute.
Bipalium generoko planaria hau detektatu da Gipuzkoan ere, barraskilo zein zizareen harrapakaria da eta lurzoruko ekosistema arriskuan jartzen du. #inbaditzaileak pic.twitter.com/xe87Ybw1q7
— Gipuzkoa basozainak (@Basozainak_Gipu) 2018(e)ko urriaren 15(a)