Bi jardunaldi, bi garaipen. Ezin hobeto hasi du estreinako denboraldia Toloboleik, bigarren mailako senior nesken ligan. Lehen jardunaldian Navarbolei hartu zuten mendean (3-1) Belabietan, eta bigarren partida ere irabazi egin dute tolosarrek.
Iruñean jokatu zuten, atzo, Nafarroako Unibertsitatearen aurka. Bi aldiz galtzen joan arren, markagailua irauli zuten azkenean: 25-17/17-25/28-26/18-25/14-16. Meritu handikoa, ezbairik gabe.
Hurrengo partida larunbatean, hilaren 20an, jokatuko du Toloboleik. Gallartaren Ahotzaren aurka neurtuko ditu indarrak Uzturpe Kiroldegian, 19:00etatik aurrera.