Groenlandia; inuiten lurraldea, jardunaldiak

Mahai-ingurua: "Groenlandia 88" espedizioko kideek euren esperientzia kontatuko dute eta irudiak erakutsiko dituzte.

Orain dela 30 urte Tolosaldeko lagun talde batek Groenlandia eskiekin zeharkatu zuen. Dina Bilbaok, Josu Iztuetak, Angel Ortizek, Txiki Plazasek eta Nekane Urkiak, "Groenlandia 88" izenpean, 34 egun bizi zituzten helburua bete arte.

Espedizioaren urteurrena izanda, Groenlandiako eta Inuiten egoera ezagutzeko bi eguneko jardunaldiak antolatu ditu Antxon Bandres Bidaiariaren Txokoak, Tolosako Udalak, Zumardia elkarteak eta Alpino Uzturre elkarteak.