Guztira 63.425 euroko partida dago erreserbatuta 2018ko aurrekontuetan funts honetarako. Hiru ataletan bereizten da laguntza:
A Atala: Gobernuz Kanpoko Erakundeekiko lankidetza-programak, herrialde behartsuetako biztanleen baldintza sozioekonomikoak garatu eta hobetzera zuzendutako jarduketak egiteko.
B Atala: Mantentze-gastuak eta Tolosan antolatutako sentsibilizazio-jarduerak, helbide soziala udalerri honetan duten GKEen eskutik.
C Atala: Xedea da tolosarrak sentsibilizatzea beharrik handiena duten herrialdeetan garapeneko lankidetza ekintzetarako eta tolosarren artean herrialdeen eta kulturen elkartasun-kultura sustatzea. Horretarako, aukeratutako tolosarrek herrialde horietan zuzenean parte hartzen dute garapeneko lankidetza ekintzetan EAEko GKE baten bidez, gutxienez ere hilabete bateko denboraldia eginez, eta horrek bide ematen die egoera tokian bertan ezagutzeko.
Eskaerak aurkeztu daitezke UDATE Udal Erregistroan (07:15 – 14:15) edo www.tolosa.eus orriaren bidez, erregistro elektronikoan.