Presoen familiei zuzendutako Tolosako Udalaren diru-laguntzak eskatzeko epea zabalik da. Gipuzkoatik kanpo dauden presoei bisitak egiteko preso horiei senideei zuzendutako diru-laguntza da.
Diru-laguntza hauen onuradun izan daitezke espetxeetan zigortuta dauden edo behin-behinean espetxeratuta dauden tolosarren senitartekoak, ondorengo lehentasun-hurrenkera honen arabera: ezkontidea edo izatezko bikotekidea, seme-alabak, gurasoak, anai-arrebak.
Eskaera egiten duten senitartekoek Tolosan erroldatuta egon behar dute diru-laguntza eskaera egiten dutenean eta bisitak egiten dituztenean.
Guztira 3.200 euroko partida dago erreserbatuta 2018ko aurrekontuetan funts honetarako.
Eskaerak aurkeztu daitezke UDATE Udal Erregistroan (07:15 – 14:15) edo www.tolosa.eus orriaren bidez, erregistro elektronikoan.