Lehen jokoa irabazi zuen Tolosako taldeak (25-21), baina hurrengoan berdindu egin zuten nafarrek, 12-25. Ondorengo biak etxeko taldearentzat izan ziren, 25-18 eta 28-26. Azken tanto zirraragarria jokatu zuten Toloboleiko neskek, eta pozarren ziren neurketaren amaieran. Ametsak egi bihurtzearen sentimendua eta ilusioa azpimarratu zituzten jokalariek.
Garaipen horrekin sailkapenean seigarren daude eskualdekoak. Bigarren jardunaldia Universidad De Navarra taldearen aurka jokatuko dute Iruñean, igandean, 12:00etatik aurrera.