Haizeak markatu du aurtengo Txingudi Korrika lasterketa, XX. edizioa. 562 korrikalarik hartu zuten parte larunbateko lasterketan, eta guztien gainetik, izen bat nabarmendu zen: Unai Arroyo tolosarrarena.
Hegan egin zuen Arroyok, eta lasterketako marka puskatzetik gertu ibili zen. Tarteko helmugetan orain arteko marka (31:34) baino denbora hobeak egiten ari zen tolosarra, baina amaierako haizea tarteko, ezin izan zuen hobetu azkenean. Lau segundora geratu zen: 31:38.
Bigarren Jose Gomez irundarra izan zen, 32:15ko denbora eginda. Bost segundo gehiago behar izan zituen Iker Oliveri hondarribiarrak osatu zuen podiuma. Aritz Garin billabonatarra zortzigarren izan zen, 33:52ko denborarekin.
Emakumezkoen artean, Alejandra Arribas iruindarra izan zen azkarrena, 38:58ko denbora eginez. Minutu eta erdi gehiago behar izan zituen bigarren izan zen irungo Irene Sanzberrok. Maialen Muñoz ibartarrak hirugarren egin zuen, helmugara 40:45ren ostean iritsi eta gero. Laiane Arrospide tolosarra bosgarren sailkatu zen 41:52ko denbora eginda.