Komun publikoa jarriko dute Tolosako Kultur Etxeko kanpoaldean

Tolosaldeko Ataria 2018ko ira. 27a, 13:27

Atzo hasi ziren Kultur Etxeko sarreran dagoen komuna eraberritzeko lanak, eta lau aste barru erabilgarri izatea aurreikusten du udalak.

Kultur Etxearen sarrera-atearen alboan komun berria eraikiko du Tolosako Udalak, azokako baserritarren eskariari erantzuna eman eta Kultur Etxeko areto nagusian ekitaldiak antolatzen direnerako zerbitzua emateko. Atzo, irailak 26, hasi ziren lanak.

Gaur egun Kultur Etxeko sarreran dagoen komuna eraberrituko dute, kaleko pasabidera sarbidea irekiz. Handiagoa egingo da, irisgarritasuna bermatuz, eta akabera berriekin: zorua, hormak, argiteria, aireztapen sistema, saneamendua... Konketa, komun egokitua, pixalekua, eta pixoihalak aldatzeko eremua izango ditu.

Lanek 21.200,30 euroko (BEZ barne) aurrekontua izango dute eta lau aste irautea dago aurreikusia.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!