Goiz berezia izan dute, gaur, Tolosako Laskorain ikastolan: Pirritx pailazoaren bisita izan dute, Borobilean lana aurkezteko. Amonaren poltsa hartuta bertaratu da Pirritx, Sakramentinoetara, eta zain zituen hainbat neska-mutil, galderak egiteko gogotsu.
Pirritxek azaldu dizkie, gaztetxoei, borobilean eseri eta denen artean gauzak adostearen onurak: "Txandaka, denok erabakitzen dugu; nork bere mina eta nork bere desira. Bakoitzak ideia bat izanda ere, borobilak elkar ulertzea sustatzen du eta, tira-birak tira-bira, borobila elkarrizketan ari da".
DVD berriaren nondik norakoak azaldu eta gero, pailazoak eta haurrek Tolosan grabatutako hainbat bideo ikusi dituzte, eta dantza egin dute, nola ez, borobilean. Ekitalditxoa bukatzeko, talde argazkia atera dute elkarrekin.
