Tolosaldeko emakumeen etxeko proiektua urte amaieran aurkeztuko dute, osorik, eta parte hartze prozesuak aurrera jarraitzen du. Ikasturtea hasi zenetik hona, mahai politiko-teknikoa nahiz prozesuko talde motorra elkartu dira, eta biharko Gune Irekian orain arte adostutakoak plazaratuko dituzte. 19:00etan bilera izango da, udaletxeko pleno aretoan, eta 18:00etan etxea sortzeko lokala bistatzera joango dira, Plaza Zaharretik abiatuta.
Elhuyar aholkularitzako teknikarien gidaritzapean, uda aurretik etxearen printzipioak, ezaugarriak, erabilera, helburuak eta jarduerak zehaztu zituzten eta, oraindik ere, beste 8 bilera egingo dituzte, urte amaierara bitarte: Gune Zabalaren bilera bat, azaroan; talde motorraren beste hiru bilera; eta mahai politiko-teknikoaren bi bilera.