Batasuna elkarteak irabazi du V. Elkartasun Estropada. Finala San Estebanen aurka jokatu dute, bi txandatara. Bietan Batasunakoak izan dira azkarrenak.
Aurrez, sei elkarteren artean jokatu dute kanporaketa. Bi txanda egin ondoren, denborak batu dituzte. Horrela atera dira bi finalistak. Emendek, Lizardi, Txinparta, Udaberri, San Esteban eta Batasuna izan dira bateletan ibili diren elkarteak. Aiz Orratz eta Oargi antolaketa lanetan ibili dira.
Batasunako tripulazioa ondorengoa izan da: Iosu Karrera, Andoni Alzate, Josean Iraola, Iñaki Garcia eta Beñat Etxeberria patroia.
Estropadaren bosgarren edizioa izan arren, aurten banatu dute bandera lehen aldiz.
Arraunlari eta patroien zerrenda osoa:
Emendek: Joseba Gorostiaga, Antonio Merino, Ramon Garmendia, David Goikoetxea, Alberto Lorence eta Ekaitz Beraza patroia.
Lizardi: Julen Telleria, Eli de Arriba, Iñigo Martiarena, Onintze Hartsuaga eta Ibai Vaquero patroia.
Txinparta: Luis Oruezabal, Jon Azpiazu, Jon Ormazabal, Jose Juan Artola eta Imanol Gibelalde patroia.
San Esteban: Agustin Pagola, Hasier Larrauri, Kike Conde, Mikel Eceizabarrena eta Oier Gastesi patroia.
Udaberri: Irati Artutxa, Itzea Urkizu, Ainhoa Goikoetxea, Itsaso Aranburu eta Maialen Amondarain patroia.
Estropadak iraun duen bitartean, eta ondoren, elkartasun pintxoa eta Tolosaldea Sahararekin Elkartearen postuak egon dira Zerkausian. Izan ere, gaur bildutako diru guztia elkarte horrentzat bideratuko da.