Tolosako Batxiller Zaldibia kalean espaloietako bat eraberritzen ari dira, eta badira jada, bi aste, kaleko aparkalekuak behin-behinean kendu zituztenetik. Orain, lanak behar bezala osatu ahal izateko, kaleko trafikoa itxi dute, eta kalea itxita izango da, ibilgailuentzat, datorren asteartera bitarte.
Mozketak zenbait aldaketa ekarriko ditu eta, horrela, Gernikako Arbolako bidegurutzetik aurrera, ibilgailuak trenbide azpiko zubi zaharretik bideratuko dituzte, San Esteban auzorantz. Ondorioz, bide zati horretan bi noranzkotan ibiliko dira ibilgailuak, egunotan.
Edukiontziei dagokienez, Batxiller Zaldibiakoak Geltoki plazara lekualdatuko dituzte.