Ekainaren hasi zen Gudari kalea berrurbanizatzeko obra, eta astelehenean hirugarren zatia martxan izango da: Oria kaleko bidegurutzetik Samaniego kaleko bidegurutzerainokoa. Lanek bost zati izango dituzte, guztira, eta abenduan amaitzea aurreikusi dute.
Esku-hartzeak trafiko aldaketa zenbait sortuko ditu inguru horretan eta, horrela, irailaren 10ean, 08:00etatik aurrera, zezen plazatik Lizardi plazarainoko bidea itxita izango da; Tolosako Udalak iragarri du, bi hilabetez itxita izango dela bidea, edo bidearen zati bat.
Bestalde, Zumalakarregi pasealekuko zati batean – zezen plazatik Lizardi plazarako zatian– norabidea aldatuko dute. Horrela, honakoa izango da sarbide berria: Oria kalea - zaldi patioa - Lizardi plaza - Foruen etorbidea.
Behin hirugarren fasea amaituta, azken bi zatietan Lizardi plazako ingurua eta Zumalakarregi eta Laskorain kaleko ingurua eraberrituko dituzte. Obrak, guztira, 647.663 euroko aurrekontua izango du.