Udaltzaingoak egin duen txostenaren arabera, auto batek Nafarroako Zubiko pibotearekin izandako istripu baten ondorioz izan daiteke isuria.
Istripua 17:00ak aldera izan da. Auto batek pibotea hautsi du eta kolpearekin autoren karterrean zuloa egin eta bertatik olioa isuri da. Autoak aurrera jarraitu du pixka bat, zubiaren bestalderaino, eta Idiakez jauregiaren parean geratu da. Ondoren garabiak eraman du autoa.
Olioa urarekin garbitzerakoan, euri uren estoldatik ibaira isuri dela uste dute eta ondoren zabaldu egin dela. Besteak beste, ibaiaren gora aldera zabaldu da, ia Ibarrako zubiraino iritsiz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
