Istripua 17:00ak aldera izan da. Auto batek pibotea hautsi du eta kolpearekin autoren karterrean zuloa egin eta bertatik olioa isuri da. Autoak aurrera jarraitu du pixka bat, zubiaren bestalderaino, eta Idiakez jauregiaren parean geratu da. Ondoren garabiak eraman du autoa.
Olioa urarekin garbitzerakoan, euri uren estoldatik ibaira isuri dela uste dute eta ondoren zabaldu egin dela. Besteak beste, ibaiaren gora aldera zabaldu da, ia Ibarrako zubiraino iritsiz.