Tolosako San Esteban auzoko industrialdean gertatu da. Ertzaintzatik jakinarazi dutenez, koadro elektriko batean sortu da sua, 18:15ak inguruan, eta segituan kez bete da pabiloia. Une horretan garbitzailea zegoen bertan lanean, baina ez da zauriturik izan.
Tolosako suhiltzaileez gain, Legazpikoak eta Ordiziakoak izan dira sua itzaltzen, guztira hamar ibilgailu, eta 20:10erako itzali dute. Inguruko lokal eta pabiloietara ez da sua iritsi, baina hainbatetan kea sartu da, eta Errotatxoko pabiloiaren gaineko lokal batek kalteak izan ditu zoruan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?