Bi taldeek joan den astean abiatu zuten denboraldiaurrea, eta gaurkoa prestakuntzako lehen neurketa izan da bientzat.
Sasoi berriari begira txuri-urdinek egindako fitxaketak ikusteko aukera izan da gaur, besteak beste, Oihana Aldai, Marta Cardona, Sara Olaizola eta Maddi Torre. Hala ere, ez dira bertan izan Europako Txapelketa irabazi berri duen Nerea Eizagirre tolosarra eta Kiana Palacios mexikarra.
Reala nagusitasun osoz gailendu da gaurkoan. 23. minutuan iritsi da lehen gola, Nahikari Garciaren eskutik. Manu Lareok egin du 2-0ekoa, minutu gutxira. Aurrez, Lareok berak bi aldiz langara bidali du baloia. Atsedenaldiaren aurretik Nahikari Garciak 3-0ekoa egin du. Bigarren zatian, berriz, Nahikarik beste bi gol egin ditu.