Tolosako Hondartza Bolei txapelketako izen ematea, abuztuaren 15era arte

Tolosaldeko Ataria 2018ko uzt. 27a, 13:49

Irailaren 4tik 8ra jokatuko da Tolosako IX. Hondartza Bolei Txapelketa, Euskal Herria plazan. Abuztuaren 15era arte eman ahal izango da izena, herriko tabernetan.

Izena ematerako orduan, taldeko sei jokalarien izen-abizenak, taldearen izena, taldearen sarrerako abestia eta kapitainaren telefono zenbakia eman beharko dira. Talde bakoitzak 60 euro ordaindu beharko ditu eta partaide guztiek eskualdekoak izan beharko dute.

Taldekide bakoitzari kamiseta bana oparituko diete izena emateagatik, hori dela eta, jokalari bakoitzaren neurria ere zehaztu beharko da izena ematerako garaian. Sei lagun baino gehiagoko taldeak osatuz gero, ordea, jokalari bakoitzak 5 euro gehiago ordaindu beharko ditu kamisetaren truke. 

Txapelketa amaieraren ondoren egingo duten afarira joango diren ere zehaztu beharko du jokalari bakoitzak. Afari horretarako txartela 20 eurokoa izango da.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!