Urtebeteko hitzarmena sinatu dute Olatz Peon alkateak eta Imanol Zubelzu Tolosako Babarrunaren Kofradiako lehendakariak. Udalak 5.700 euroko diru-laguntza eman dio Kofradiari.
Hitzarmenaren helburu nagusia da Tolosako Babarruna babestea, ezagutzera ematea, produktua bera sustatzea eta ahalik eta promozio handiena egitea euskal eremuan.
Alkateak babarruna Tolosaren "izanaren" parte dela nabarmendu du: “1989tik Kofradiak egin duen eta egiten ari den babes eta zabalkunde lana goraipatzekoa da. Lankidetza hitzarmena, elkarrekin lan egin eta erronka berriei ilusioz aurre egiteko erreminta dugu”.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!