Puntu eta koska bakarrera geratu da, Irene Caminos tolosarra, Europako Trial Txapelketako podiumera igotzetik eta, laugarren postua eskuratuta, entrenatzen jarraitzeko gogoz itzuli da herrira.
Kategoria guztiek Moudonen (Suitzan) zuten hitzordua, asteburuan, Europako trial txapelketan beren izena idazteko. Irene Caminos Espainiako selekzioarekin lehiatu zen, eta lehia estuena Alba Hidalgo selekzioko kidearekin izan zuen, brontzezko domina eskuratzeko. Probako azken bi eremutan erdietsi zuten sailkapena, Alba Hidalgok 25 puntu eta Irene Caminosek 26 puntu eskuratuta.