ataria.eus

Irati Lakunza eta Aras Karakus, Espainiako Txapeldun

kirola  Tolosa

Igarondo Urpekoak taldeko lau igerilari aritu dira, asteburuan, Hegats Igeriketako Espainiako Txapelketa jokatzen Alacanten. Guztira lau domina eskuratu dituzte, urrezkoak guztiak.

Irati Lakunza izan da txapelketako izar nagusienetako bat, hiru bider izendatu baita Espainiako txapeldun. Parte hartu duen hiru probak irabazi ditu tolosarrak: 100 eta 400 eskafandra, eta ur gaineko 400 metroak.

Datorren astean Munduko Txapelketa jokatuko da Belgraden, eta bertan izango da Lakunza, Espainiako selekzioarekin, baita bere entrenatzaile den Jon Espina ere. Asteburukoa entrenamendu ona izan da berarentzat, proba horri begira.

Laugarren domina Aras Karakusek lortu du, 100 eskafandran, ezustekoa emanda. Taldeko beste bi igerilari ere aritu ziren. Patxi Monge laugarren izan zen 100 eskafandran, eta Mikel Esteban ur gaineko 100 metroko proban. Lorpen handiak, ezbairik gabe, Igarondo Urpekoak taldearentzat.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa