Igandera bitarte festa giroa izango dute Amarotz auzoan. Haurrentzako ekintzak prestatu dituzte jaiak hastearekin batera, eta ondoren, musikak hartuko du auzoa, Tolosako Musika Bandak kontzertua eskainiko baitu. Ordu berean, postre lehiaketa izango da auzokideen artean. Gauean, berriz, mozorrotu egingo dira.
Aurtengo berrikuntza nagusia garai batean egiten zuten danborrada berreskuratuko dutela da. Igandean egingo dute, 11:00etatik aurrera.
Antolatzaileak, "atsekabetuta"
Antolatzaileek udalarekin duten "atsekabea" azaldu diote TOLOSALDEKO ATARIA-ri: "Festak antolatu ahal izateko udalak eskakizun asko jartzen ditu. Eta ondo dago hori, baina gure eskakizunak beraiek ere betetzea gustatuko litzaiguke, eta ez dituzte behar bezala bete. Txupinazoa hasi baino 10 minutu lehenago ekarri dituzte buruhandiak, udaltzainek, gainera. Eta gu mugitu garelako. Kendu gabeko autoak ere orduantxe erretiratzen hasi dira. Besterik gabe, guk egiten dugun lana kontutan hartzea nahiko genuke", azaldu du Iñaki Zubeldia antolatzaileak, festa batzordearen izenean.
EGITARAUA
Ekainak 29, ostirala
16:00. Jaien hasiera iragartzeko suziria eta buruhandiak.
16:30. Haurrentzako jolasak.
18:00. Beti Gazteak lokalean karta-jokoen finalak.
18:30. Funer Troup taldearen Aukerak kale ikuskizuna eta ondoren, txokolate jatea.
19:30. Tolosako Musika Bandaren kontzertua.
19:30. Postre lehiaketa.
20:30. Auzo poteoa.
21:30. Mozorro gaua: auzo afaria eta DJ Jo Ta Txo goizaldera arte.
Ekainak 30, larunbata
10:00. Diana Konponezinak txarangarekin.
10:00. Amarozko txirrindulari proba.
10:30. Puzgarriak eta jolasak.
12:00. Ajoarriero lehiaketa.
12:30. Amarozko haurren dantza emanaldia.
14:30. Ajoarriero lehiaketako sari banaketa eta auzo bazkaria.
15:30. Puzgarriak eta jolasak.
16:00. Auzokoen Mus Txapelketa.
17:00. Herri-kirolen erakustaldia.
20:30. Euskaraokea eta playback-a denontzat.
21:30. Parrillada.
23:00. Antzarrak Perratzera musika taldea eta DJ XA2.
Uztailak 1, igandea
09:30. Diana Tolosako Udal Txistulariekin.
11:00. Auzoko Danborrada Konponezinak-en eskutik.
13:00. Dikothomia taldearen Spazi...o kale ikuskizuna.
14:30. Auzo bazkaria Konponezinak txarangak girotuta eta karta-jokoen sari banaketa.
18:00. Aurreskua.
18:30. Toka txapelketa.
19:00. Areto dantzak.
20:00. Sardina jatea eta DJ XA2.
23:59. Suziria festei amaiera emanez eta sardinaren hileta.