'Kristalezko bihotza' Joseba Sarrionandiak idatzitako ipuina da. 1400. urtean dago kokatua, eta fraile batek kontatzen du nola erre zituzten heretiko batzuk, Durangon. David Azurza artista tolosarrak musikatu egin du ipuina, eta atzo estreinatu zuten lan hori.
Andoni Aleman narratzailea, Hodeiertz abesbatza eta beste hainbat kolaboratzailek hartu zuten parte emanaldian, hala nola, Aitor Furundarena akordeoilariak, Garikoitz Mendizabal txistulariak edota Musika Eskolako perkusio jotzaileek.
Igandean, uztailaren 1ean, bigarren emanaldi bat eskainiko dute Altzoko Andre Mariaren parrokian, 12:30ean.
Argazkiak: Pablo Azurza Garikano