'Aquarius' ontziko lau migratzaile, Tolosan

Argazkia: Berria.eus

Jaurlaritzak jakinarazi duenez, Aquarius ontziko zortzi errefuxiatu iritsi dira bart Euskal Herrira; Gasteizen, Bilbon eta Tolosan daude.

Ekainaren 17an, 630 migratzaile lehorreratu ziren Valentzian (Herrialde Katalanak), Dattilo, Aquarius eta Orione ontzietan. Gutxienez haietako 75 Euskal Herrira etorriko zirela jakinarazi zuten erakundeek. Lehen zortziak dagoeneko Euskal Herrian dira.

Eusko Jaurlaritzaren bozeramaile Josu Erkorekak eman du berria, gobernu bileraren ondorengo prentsaurrekoan. CEAR-Euskadiren laguntzaz, errefuxiatuak Bilbo, Gasteiz eta Tolosako harrera pisuetan hartu dituzte.

Zortzi migratzaileak osasunez ongi daudela jakinarazi du Erkorekak: «Prozesua diskrezio handiz egin da, Espainiako Gobernuarekin erabat koordinatuta. Harrera lasaia izan dute». Erkorekaren esanetan, «muturreko egoera larrietan dauden pertsona horiei laguntza emateko erabateko konpromisoa du Jaurlaritzak».

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!