Jubilatu eta erretirodunentzat, esaterako, mus txapelketa eta toka lehiaketa izan dira goizean, eta gaztetxoek, berriz, goizean bezala, arratsaldean ere puzgarriak izango dituzte Alondegia plazan, eta baita xexenak ere zezen-plazan. Gaueko hitzordua Kristalezko bihotza emanaldia da. Ipuin musikatua Euskal Pizkundea plazan izango da ikusgai, 22:00etan. Joseba Sarrionandiak idatzitako ipuina da, 1400. urtean kokatua, praile batek Durangon nola erre zituzten ereje batzuk kontatzen du. Narratzailea, Hodeiertz abesbatza eta hainbat artistak parte hartuko dute David Azurzak zuzendutako saioan.