Miguel Angel Morenoren zuzendaritzapean, bandak San Joan Martxa jo duen unean piztu dute herri lanetako kideek sua Plaza Zaharrean.
Ordurako tolosar ugari bildu da, borobilean, haurrak suaren gainetik saltoka ikusteko. Guraso asko fin-fin aritu dira etxeko txikienei salto egiteko jarraibide guztiak ematen: zer ez den egin behar, zergatik egiten den salto suaren gainean, nola busti behar den... Eta, bide batez, zaharxeagoak izaten direnerako, Santa Maria plazako suaren gainean salto egiteko harra sartzen.
Izan ere, hitzordurik esanguratsuenak falta dira, oraindik, Tolosan.