Ikasturte osotik harago doa Haurren Hiria egitasmoa, eta San Joan jaietako egitarauak ere baditu, herriko gaztetxoenen tantak. Joan den igandean, estreinakoz, gazte erronka antolatu zuten, eta bihar, hirugarren urtez, San Joan su txikia egingo dute, Plaza Zaharrean. Gaur, berriz, gazte topagunearekin elkarlanean, eta nerabeei begira, hainbat kirol ezagutu eta probatzeko hitzordua dute gazteek, Trianguloan, Oria ibaian eta Oargi elkartean.
Trianguloa plazakoak izan dira hasten lehenak, eta neska-mutil askoren begiradak harrapatu dituzte, diaboloen dantzek eta slackline-aren orekaren zailtasunak. Begiraleen eskutik lehenengo, eta norbere konfiantzatik gero, sanjoanen atarirako arratsalde perfektuaren itxura hartu du, gaur, Tolosako eguzkipeak.
Goizean helduak izan dira protagonista. Erretirodunen eguna ospatu dute, lehenengoz. Jarraian, 28 Kanalak egin duen bideoa: