Ahal Dugu-Podemos lehen aldiz aurkeztuko da udal hauteskundeetara, eta herrietako saretzeari indarra emateko bidean, EAEko hainbat herritako idazkari nagusiak izendatu ditu alderdi moreak, tartean, Tolosakoa.
Julian Gonzalez Alustiza izango da Ahal Duguren idazkari nagusia Tolosan. Jaiotzez donostiarra den arren, Tolosan bizi da, eta Samaniego-Orixeko ikasle izan zen. Ostalaritzan aritu da lanean, eta une honetan langabea da. Ahal Duguko webgunean ikus daitekeenez, bere hautagaitzaren helburua «Tolosako egoera politiko eta soziala hobetzea» da.