Goizean T3T eta T2T mendi lasterketak izan dira, eta arratsaldeak ere kiroletik jarraitu du. Alondegian gaztetxoenak aritu dira kirol eta trebetasun ekintzak egiten. Oztopo ezberdinez bete dute plaza, eta horiek gainditzen aritu dira. Trianguloan, berriz, herri kirolen erakustaldia eskaini dute. Tartean ziren Maika Ariztegi, Nerea Sorondo, Xabier Orbegozo Arria V. eta Ugaitz Mugertza aizkolariak, Aimar Irigoien, Hodei Iruretagoiena Izeta IV. eta Idoia Etxeberria harri jasotzaileak eta Jose Martin Bustintza Tubi eta Jon Loiola lasto altxatzaileak.