Tolosako Azokako poltsa degradagarriak amaitu dira, eta horrenbestez, berriak egin dituzte. Beste itxura bat eman diete zorroei, 'Garaikoa. Bertakoa. Gurea!' leloa txertatuz. Bi tamainakoak egin dituzte, ertainak eta handiak.
Baina, hemendik aurrera, plastikozko poltsen erabilera gutxitzea helburu duen 293/2018 dekretuari jarraituz, ordainpekoak izango dira poltsa horiek. 5 zentimoko prezioa izango du poltsa bakoitzak. Telazko poltsa berrerabilgarriak ere aurki daitezke azokan.
Nerea Letamendia, Merkataritza, Feria eta Turismo zinegotziaren esanetan, plastikoen kontsumoa murriztea da helburua: «Jasangarritasunaren alde lan egin nahi dugu, berrerabilpena eta birziklapena sustatuz, eta gure ingurunea babestuz».