Altsasuko auziko epai eta atxiloketak salatzeko manifestazio nazionala izango da, datorren larunbatean, Iruñean. Egunak Tolosako sanjoanetako kuadrilla egunarekin bat egiten duela-eta, tolosarrek elkartasun argazki erraldoia aterako dute. 11:45ean jarri dute hitzordua, Plaza Berrian, kuadrillen festako txupinazoa lehertu baino ordu laurden lehenago.
Horrekin batera, bihar, Altsasuko auzia salatzeko eskualdeko manifestazioa izango da, Ernaik antolatuta, 19:00etan, Anoetan.