Istripua izan duen kamioiaren gidariak ez du zauri larririk. Kamioiak, ordea, traba egin du bi noranzkoetan, eta ondorioz, auto ilara luzeak sortu dira: 10 kilometrokoak izan dira Irunera bidean, Ikaztegieta pareraino; eta 5 kilometrokoak Gasteizerako noranzkoan. Une honetan zabaldu dute itxita zegoen bi lerroetako bat, Gasteizera bidean doana, hain zuzen.
Tolosako erdigunean ere nabaritu da, kolapsatuta egon baita erdigunea goizeko lehen orduetan, 09:00ak pasa arte.
Garabiak dagoeneko jaso du kamioia, eta une batetik bestera erretiratutako dute bertatik. Bitartean errepidea garbitzen ari dira bide lanetako langileak. Erdibitzailea guztiz puskatuta geratu da.