Iurren, 'auzozaletasuna' bor-borka

Tolosaldeko Ataria 2018ko eka. 9a, 16:15

Duela bi urteko festa eguna errepikatzen ari dira, gaur, Tolosako Iurre auzoan; gaztetxoenen kirolak eta tokak egin ditu bazkariaren atarikoak. 

2016an auzoak 25 urte betetzen zituela-eta, iurretarrek aitzakia perfektua aurkitu zuten, festa egun bat proposatu eta antolatzeko. Efemerideen faltan, ordea, bi urtera berriro errepikatzea otu zaie, eta gaur zapi gorria soinean dira denak, auzozaletasunaz bor-borka. 

Eguna lotsati hasi du Iurrek, eta gaztetxoenen 3x3 txapelketek hartu dute plaza. Ordea, tokan lehen tiraldiak egiten hasi orduko, karpa ertzera gerturatu dira auzotarrak, eta txanda eskatu behar izan dute, azkenean, jokoan sartzeko. Horrek guztiak eta poteoak egin ditu bazkariaren atarikoak, eta karaokea eta gauerako 'guatekea' ere ederki prestatuak zituzten, jada, eguerdirako. 

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!