Tolosako udaleko Tolonsanklisk atalera igo daitezke argazkiak dagoeneko. Bidalitako argazki guztien artetik epaimahai batek 40 argazki aukeratuko ditu. Irailaren 7an emango dute jakitera aukeraketa hori, eta segidan abiatuko da ikusleen bozketa, irailaren 23ra arte.
Epaimahaiak, ostera, hilabete bakoitzeko argazki bana aukeratuko du. 12 finalista horietako bakoitzak 200 euroko saria jasoko du. Herritarren bozka gehien jasotzen dituen argazkia, berriz, azaleko argazki nagusia izango da. Horrez gain, 600€ko saria jasoko du. Irabazleak urriaren 1ean ezagutaraziko dituzte, baita bozketan parte hartu duten pertsonen artean egingo den zozketaren sariduna ere.
Parte hartzaile bakoitzak bost argazki aurkeztu ahal izango ditu lehiaketara, gehienez. Horizontalak izan beharko dute, 2MB eta 10MB arteko pisua dutenak.