Egun osoko egitarauarekin emango diote errematea Gazteburuari

Gazte asko bildu da eguerdian Plaza Berrian jarritako karpan bazkaritarako. Bazkalostean Suetenetik bertso taldekoak aritu dira. 

Ostegun eta ostiraleko ekitaldien ondotik, gaur 10:00etan txupinazoarekin ekin diote gazteek aldarrikapen eta festari. Izan ere, Tolosako gazteek pariatzen dituzten arazoak gizarteratzeko asmoaz antolatu dute Gazteburua ekimena, eta bide batez, gazteen arteko harremana sustatzeko. 

Urtean zehar TGAn gorpuztu dituzten zeinbat proiektu ere, kalera atera dituzte gaur. Besteak beste, proiektu komunikatiboa eta Suetenetik bertso taldea. 

Elkarrekin ondo pasatzea ere bada Gazteburuaren helburuetako bat eta arratsaldean, eskalada finalaren eta arte urbano tailerraren ondoren, txarangarekin ibiliko dira kalez kale. Gauean, 22:00etan eta Plaza Berrian Eztena, Hexen Die Frauenjadg eta Little Martin Selektah taldeekin kontzertuak izango dira. 

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!