San Isidro egunaren bueltan omenaldia egin nahi izan diete astero Tolosako azokan postua jartzen duten baserritarrei. Agurra dantzatu eta pintxoak banatu dizkiete.
"Landa eremuan, batez ere, San Isidro eguna egun handia zen eta tradizio hori berreskuratu nahi izan dugu", esan du Olatz Peon, Tolosakoa alkateak.
Bide batez, egin duten lanagatik eskerrak eman nahi izan diete ekoizleei. Peonen esanetan "baserritarrek urte osoko lanketa erreklamatzen dute eta ez egun batekoa. Eta gu horretan saiatzen gara, ekoizleen alboan lan egiteko prest gaude".
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?