Lehen edizioa Donostian izan zen eta Gipuzkoa osoko pilotazale eta pilotari gaztetxoak elkartu ziren. Aurten Azpeitian egingo dute, igande honetan. Tolosa-Aurrerak autobusa jarri du, eta nahi duenak dohain joateko aukera izango du. Hitzordua Santa Klararen aurrean jarri dute, etzi, 08:45ean. Goizean pilotari gaztetxoak jolasean ibiliko dira. Ondoren bazkaria egingo dute, eta arratsaldean finalak jokatuko dira.
Bestalde, Berezkoen Txapelketa finaletara iritsi da. Esku pilotan Tolosa-Aurrerak bi pilotari izan zituen bertan, Iztueta eta Amundarain. Azken honek infantilen finala jokatuko du bihar, 16:00etan, Beotibarren, Orbegozoren aurka.