Jai eguna meza nagusiarekin hasiko da, 11:00etan. Berriro ere uztak suntsitu zituen harri jasa gerta ez dadin, prozesioan herriko elizari buelta eginez eskaria egiten dute bedaiotarrek. Ondoren Eva eta Alaitz Dorronsoro trikitilariek eta Bixente Gorostidi eta Unai Muñoa bertsolariek animatuko dute eguna.
Hamaiketakoa egingo dute Abaetxen, eta herri bazkaria ere bertan izango da. Trikitilari eta bertsolariekin afalostera arte ibiliko dira jira ta bira. Afaria Artubi elkartean izango da egunari amaiera borobila emanez.