Pasaden astean bildu ziren Tolosako kartel lehiaketako epaimahaiko kide Txitxi Orbegozo, Zigor Agirrezabala eta Nuria Carbonell. Ez zuten erabaki erraza, aurtengo kartelen maila altua nabarmendu baitute. 18 lanetatik sei aukeratu zituzten.
Epaimahaiak hautatutako lanak ikusgai egongo dira hilaren 25era arte Antonio Maria Labaien kultur etxeko Areto Nagusian. (10:00-13:00 / 17:00-20:00. Asteburuan arratsaldez soilik). Sei lan horien artetik aterako da irabazlea, herritarrek bozkatu ostean. Bozka www.tolosa.eus-en edo Kultur Etxean bertan eman daiteke maiatzaren 25 bitarte.