Lehenik eta behin, sanjoanetako ohiturak ez errespetatzea salatu nahi dugu. Kuadrilla Eguna beti, beti, beti, sanjoanetako larunbatean izan da, eta ez lehenago. Gure festak beti bezala mantendu nahi ditugu. Diren bezala maite ditugu, zergatik aldatu?
Bozketa prozesuan gorabeherak izan direla salatu nahi dugu. Tolosakoa ez den jendearen bozka, pertsona berdinak behin baino gehiago bozkatu... Bozketa errepikatzea nahi dugu eta erroldarekin egitea exijitzen dugu.
Azkenik, ez gaude ados bozketa honekin aldatzen diren ekitaldi guztien derrigorrezko aldaketekin. Sanjoanetan ekintza paralelo asko izango dira kaltetuak.
Espero dugu, udalak behingoz aurpegia ematea erabaki honen aurrean. Udala da gure festen arduradun nagusia eta antolatzaile gisa, ardurak hartu eta behar bezala azaldu beharko lioke herriari.