Kuadrilla Eguna larunbatez ospatzen da, urtero, Tolosan. Aurten ekainaren 23a, San Joan bezpera, egokitu da larunbata, eta festa astebete aurreratu edo ez eztabaidatzen aritu dira azken asteotan.
Interneteko plataforma bat erabiliz, bozketa abiatu zuten antolatzaileek, udalarekin adostuta. 1.101 boto jaso dituzte, eta horien %62,3 ekainaren 16an egitearen aldekoak izan dira. Gainerako %37,7ak bozkatu zuen San Joan bezperan egitearen alde.
Beraz, 2018ko Tolosako Kuadrilla Egunak badu data: ekainaren 16a.