19 eta 20 urteko bi gazte atxilotu dituzte, Tolosan, janari banatzaile bati lapurreta eta eraso egiteagatik. Segurtasun sailak azadu duenez, antza, afaria eskatu berri zuten, eta banatzailea eurengana zihoan, eskatutakoa uztera.
Joan den asteartetik asteazkenetako gauerdian gertatu zen erasoa, erasotzaileek zehaztutako helbidean bertan. Bi gazteek 50 eurorekin ordaindu zuten janaria, eta prezioa 30 eurokoa zen. Horrela, banatzailea atzerakoak edo kanbioak ematera zihoala, bi gazteetako batek lurrera bota zuen, eta bultzaka hasi zitzaion. Jarraian, 75 euro lapurtu zizkioten, eta motorra lurrera bota zioten, txakurrekin oldartuz. Erasoa gertatutako lekutik ihes egin zuten, gazteek, segituan.
Joan den ostegunean, ordea, ustezko bi erasotzaileak identifikatu zituzten Tolosan, eta atxilo hartu zituzten. Segurtasun sailaren arabera, aipaturiko erasoaz gain, Ertzaintzak San Esteban auzoko autokarabana bati eragindako kalteak ere bi gazte horiei egozten dizkie. Antza, aurrekari polizialak dituzte biek, eta epaiketaren zain dira orain.