Ertzaintzak jakinarazi duenez, asteazken arratsaldean herritar baten deia jaso zuten Tolosako ikastetxe batean lapurreta egiten ari zirela esanaz. Ertzainak bilaketa egiten hasi eta Tolosako Santa Klara kalean jasotako informazioarekin bat egiten zuten hiru pertsona antzeman zituzten. Autoan ikastetxetik ateratako kutxa bat zutela ikusi zuten, bertan hainbat dokumentazio eta dirua zegoen. Ikastetxeko arduradunek ere salaketa jarri zutela ikusita, hiru pertsonak atxilotu zituzten.