Tolosak eta Logroñok eskuratu dituzte Realaren XXXIV. Nazioarteko Txapelketa jokatzeko jokoan zeuden bi txartelak. Urtarriletik hona klub txuri-urdinaren itunpeko 59 talderen artean jokatu duten sailkapen faseko txapelketako bi finaletako bat irabazi dute urdinek.
Vasconiaren aurka garaipena lortu zuten urdinek, eta Martuteneren aurka bana berdindu, ondoren. Hiru klub horiek osatutako taldeko lehen postua Tolosarentzat izan zen, eta finala jokatu zuten Bergararen aurka.
Finala oso estua izan zen, eta azken minutura arte lehiatu behar izan zuten. Azkenean, 1-2 irabazi zuten tolosarrek, eta hortaz, Nazioarteko Txapelketa jokatuko dute. Reala, Celta, Osasuna, Sporting Portutal, Real Madril edota Leeds United izango dira, besteak beste, aurkari txapelketa horretan. Sari potoloa, beraz, Tolosako harrobiko jokalari gaztetxoentzat.