Kuadrilla Eguna larunbatez ospatzen da, urtero, Tolosan. Aurten, ordea, ekainaren 23a, San Joan bezpera egokitu da larunbata. Hori dela eta, eztabaida piztu da kuadrillen artean eguna aukeratzerako orduan.
Noiz egin, beraz, Tolosako Kuadrilla Eguna? Antolatzaileek bi aukera dituzte eskuartean: bata, tokatu den moduan, ekainaren 23an; eta bestea, astebetez aurreratzea, eta ekainaren 16ean ospatzea.
Interneteko plataforma bat erabiliz, bozketa sistema bat abiatu dute. Izen-abizenak idatzi eta bi data horien artean aukeratu beharko dute gazteek. Izen-abizenak ondo idatzita dituzten botoak soilik zenbatuko dituzte.
Botoa emateko azken eguna martxoaren 27a izango da.